Búgin DDSU Eýropalyq óńirlik búrosynyń 70-sessıasy bastaldy. Halyqaralyq jıynnyń tóraǵasy bolyp alǵash ret Qazaqstan Respýblıkasynyń Densaýlyq saqtaý mınıstri Alekseı Soı saılandy. Vedomstvo basshysy óz sózinde, álemdik densaýlyq saqtaý salasy úshin óte mańyzdy bul sharaǵa tóraǵalyq etý, ol úshin úlken qurmet pen jaýapkershilik ekenin jetkizdi.

«Halyqaralyq qoǵamdastyq pen Dúnıejúzilik densaýlyq saqtaý uıymynyń qoldaýymen, biz ózge eldermen yntymaqtasa otyryp COVID-19 qarsy kúresti jalǵastyramyz. Qazir Qazaqstandaǵy jaǵdaı turaqtaldy, al koronavırýs ınfeksıasy qaıta órshıtin bolsa, arnaıy jospar ázirledik. Máselen, pasıentter tósek-oryn, dári-dármek jáne basqa da resýrspen qamtamasyz etiledi. Otandyq dárigerler halyqqa kómek kórsetýge daıyn», - dedi A.Soı.

Eýropa aımaǵyndaǵy DDSU-ǵa múshe 53 memlekettiń densaýlyq saqtaý mınıstrleri men ózge de joǵary laýazymdy azamattar aımaqtaǵy jáne álemdegi COVID-19 qarsy is-qımyl men tájirıbeni, 2020-2025 jyldarǵa arnalǵan densaýlyq saqtaýdy jaqsartýǵa baǵyttalǵan jańa Eýropalyq baǵdarlamany talqylaıdy.

Sesıanyń alǵashqy kúngi baǵdarlamasy boıynsha Danıanyń Uly mártebeli kronhanshaıymy, DDSU bas dırektory doktor Tedros Adhanom Gebreıesýs,
DDSU Eýropalyq óńirlik búrosynyń basshysy Hans Klúge sóz sóıleıdi dep josparlanǵan.

DDSU Eýropalyq óńirlik búrosynyń sesıasyn myna silteme arqyly kórýge bolady:
https://www.euro.who.int/ru/about-us/governance/regional-committee-for-europe/70th-session/news/news/2020/09/health-priorities-for-the-european-region-and-covid-19-in-focus-at-who-annual-meeting