24 jastaǵy er adam kepilge salynǵan jyljymaly jáne jyljymaıtyn múlikke arnalǵan bank aýksıondaryna qatystyramyn dep týystary men dostaryn aldap, úlken somadaǵy aqshalaryn alyp ketken. Bul týraly polisia.kz habarlady. 

– Kúdikti I. myrzanyń ózi banktermen eshqandaı baılanysy bolmaǵan, biraq aýksıonnyń júıesinen az da bolsa habardar. Ol óziniń qurbandaryn úıdi nemese kólikti tıimdi túrde naryqtyq baǵadan edáýir tómen baǵamen satyp alýǵa bolatyndyǵyna sendirdi. Árıne, bul úshin qarajat qajet boldy. Keıbir yqtımaldy klıentter birden birneshe múlikke ıe bolamyz dep úmittengen. Mysaly, jábirlenýshilerdiń biri oǵan 182 mıllıon teńgeni senip tapsyrdy, taǵy bir ańǵal azamat bul iske 386 myń AQSH dollaryn tapsyrdy, – dedi Almaty qalalyq polısıa departamentiniń krımınaldyq polısıa bóliminiń bastyǵy Erkin İńkárov.

Búginde keltirilgen materıaldyq shyǵyn mólsheri shamamen mıllıon dollar. Aıypty bul aqshaǵa ózine eki páter, jańa kólik satyp alypty, shetelde demalǵan.

Qazirgi ýaqytta kúdikti ustalyp, Almaty qalasynda ýaqytsha ustaý ızolátoryna qamaldy. Ol Qazaqstan Respýblıkasy Qylmystyq kodeksiniń 4-bólimi 190-baby – iri kólemdegi alaıaqtyq boıynsha aıyptalyp bolyp otyr.