Aqtóbe oblysynda qazannyń 2 kúni saǵat 17-00 deıin 17411 myń partıa múshesi, ıaǵnı oblystaǵy partıalyqtardyń teń jartysynan astamy óz tańdaýyn jasady. Onyń ishinde Muǵaljar, Mártók, Qarǵaly, Alǵa aýdanyndaǵy partıalastarymyzdyń 70 paıyzdan astamy daýys berip úlgergen. Bul daýys berýde onlaın júıeni qoldanýdyń tıimdiligin taǵy bir dáleldeı tústi. 

Jalpy bul saıası naýqanǵa Aqtóbe oblysy tyńǵylyqty daıyndaldy. 30,7 myńnan astam partıa múshesine (99 paıyzy) avtorızasıa júrgizildi. Oblystyń qala, aýdandarynda 118  daýys berý orny belgilendi.  Onyń 76-y onlaın formatta, 42 ýchastok  dástúrli qaǵaz búlletenimen daýys berýge arnalǵan. Onlaın daýys berý oryndary 205 noýtbýk jáne ınternet jelisimen qamtyldy. 

-Osyǵan deıin úmitkerler partıalastarymen 5 myńnan astam kezdesý ótkizip, óz baǵdarlamalaryn usynǵan bolatyn. Onyń 642-si onlaın formatynda uıymdastyryldy. 16 jerde ótken 87 jarıa pikirsaıysta túrli máseleler kóterilip, ońtaıly sheshý joldary aıtyldy. Bul olardyń saılaýaldy baǵdarlamalarymen muqıat tanysýǵa, sóıtip partıalyqtardyń durys tańdaý jasaýyna múmkindik bergeni sózsiz, - dedi partıanyń oblystyq fılıaly tóraǵasynyń birinshi orynbasary Erbol Danaǵulov.