3-qazan, senbi kúni partıanyń Aqtóbe oblystyq fılıaly tóraǵasy, oblys ákimi Ońdasyn Orazalın №5-shi saılaý ýchaskesinde onlaın túrinde úmitkerlerge daýys berdi. Elimizde alǵash ret ótkizilip otyrǵan partıaishilik saılaý - praımerızdiń qoǵamdaǵy alar orny erekshe ekenin aıtyp ótken aımaq basshysy úmitkerlerdiń barlyǵyna sáttilik tiledi.  

«Oblysta 30 myńnan astam partıa músheleri bolsa, qazirgi tańda 20 myńy tańdaýlaryn jasap, daýys bergen. Praımerızdiń ereksheligi sol eldegi ár túrli problemalarǵa úlken janashyrlyqpen qaraıtyn óz ortamyzda júrgen azamattardy iriktesek, oǵan tek partıa músheleri ǵana emes, qoǵamǵa ózgeris jasaýǵa nıetti árbir azamatqa da múmkinshilik berildi. Búgin partıanyń oblystyq fılıaly tóraǵasy retinde tizimdegi azamattarǵa túgel qoldaý kórsettim»,-dep atap ótti Ońdasyn Orazalın. 

«Nur Otan» partıasy Aqtóbe oblystyq fılıaly tóraǵasynyń birinshi orynbasary Erbol Danaǵulovtyń aıtýy boıynsha praımerızge Aqtóbe oblysynan 460 úmitker qatysýda. Al qala boıynsha 138 úmitker baq synaıdy. Olar partıalastarymen birge 5 myńnan astam kezdesý ótkizgen. Jarıa pikirsaıystarda túrli máseleler kóterip, ońtaıly sheshý joldaryn usyndy.   

Oblys boıynsha 118 daýys berý oryndary ashyldy. Onyń 76-sy onlaın formatta bolsa, 42 oryn qaǵaz búlletenimen daýys berýge arnalǵan.