Kerbulaq aýdany Kóksý aýyldyq okrýgine qarasty Qosaǵash aýylynda 80 oryndyq mektep ashyldy.

Qosaǵash orta mektebiniń qurylysy 2019 jyldyń sáýirinde bastalyp, 2020 qyrkúıeginde qoldanysqa berildi. Joba quny - 700 mln teńgeni qurady. Qarajat oblystyq búdjetten bólindi.

Mektep tolyǵymen zamanaýı jabdyqtarmen jabdyqtalǵan. Ár kabınette ár muǵalimniń aldynda kompúter bar. Odan bólek, jeke kompúter klasy, qyzdar men ul balalarǵa sheberhana jáne laboratorıa kabınetteri bar.

"Búgin kópten kútken mekteptiń ashylýy bolyp jatyr. Aýylymyzda jańa mektep boı kóterdi. Oqýshylar men ata-analardyń qýanyshynda shek joq. Burynǵy mekteptiń jaǵdaıy nashar bolǵan. Endi muǵalimder jańa kompúterlik synypta, ınteraktıvti taqtamen sabaq beretin bolady"-dep atap ótti Kóksý aýyldyq okrýginiń ákimi Álıa Bahtıarova.

Jańa mektep 38 adamdy jańa jumys ornymen qamtıdy. Onyń 29-y ustazdar qaýymy. Muǵalimder  "Ustazdar kúni" merekesi qarsańynda bizge úlken syı boldy dep qýanýda.

Aıta keteıik, odan bólek Kerbulaq aýdanynda "Jumyspen qamtý jol kartasy-2020" baǵdarlamasy aıasynda Sarybastaý orta mektebi jáne "Aýyl – el besigi" baǵdarlamasy aıasynda Sarybulaq orta mektebi kúrdeli jóndeýden ótýde.