«Nur Otan» partıasy Tóraǵasynyń birinshi orynbasary Baýyrjan Baıbektiń Mańǵystaý oblysyna jumys sapary Jańaózen qalasynda jalǵasty. Ol munda jańaózendiktermen partıanyń taıaýdaǵy 5 jylǵa arnalǵan qalalyq saılaýaldy baǵdarlamasynyń jobasyn qarady. Sapar barysy týraly partıa Tóraǵasynyń birinshi orynbasary Facebook paraqshasynda arnaıy jazba jarıalady.

«Praımerız barysynda qala turǵyndarynan 100-den astam usynys tústi, onyń ishinde densaýlyq saqtaý men bilim berý deńgeıin kóterý, kópbalaly jáne turmysy tómen otbasylarǵa qoldaý kórsetý, joldar men aýla alańdaryn salý, aýyz sýmen qamtamasyz etý jáne basqalary bar. Bul máseleler baǵdarlamany jetildirý kezinde kórinis tabatyn bolady.

Qazaq gaz óńdeý zaýytynyń ujymymen kezdesýde kásiporyndy ary qaraı jańǵyrtý máselesin talqyladyq. Bul jobany iske asyrý «Nur Otan»-nyń qalalyq saılaýaldy baǵdarlamasyna da engizilgen. Jalpy, turǵyndardy jumyspen qamtý úshin qalada 3 myńnan astam turaqty jumys ornyn ashý josparlanýda», - dedi Baýyrjan Baıbek.

Sonymen birge ol N.Nurgalıev, J.Erǵazıev, N.Allanazarov, Ǵ.Mahambetov jáne A.Tabyldıev syndy azamattardy qabyldap, kótergen máselelerin tyńdady. Qabyldaýdan soń Partıalyq baqylaý komıteti men fılıal basshylyǵyna árbir ótinishti muqıat qaraýdy tapsyrdy.

Partıanyń Jańaózen qalasy boıynsha saılaýaldy baǵdarlamasynyń jobasymen primaries.kz saıtynan tanysýǵa bolady.