2020 jyldyń basynan beri Qazaqstanda kópbalaly analar 171,2 mıllıard teńge somasynda járdemaqy aldy. Bul týraly eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Qańtardan qyrkúıekke deıin 386,6 myń kópbalaly otbasy memlekettik járdemaqy tólemderimen qamtyldy.

Tórt jáne odan da kóp birge turatyn kámeletke tolmaǵan balalary nemese 23 jasqa deıingi kúndizgi oqý bóliminde oqıtyn stýdentteri bar otbasylar tabysyna qaramastan, osy memlekettik járdemaqyǵa úmitker bola alady.

Jalpy, 2020 jyly kópbalaly otbasylarǵa járdemaqy tóleýge respýblıkalyq búdjetten 191,1 mıllıard teńge qarastyrylǵan.

Kópbalaly otbasylarǵa beriletin jańa memlekettik járdemaqy Qazaqstanda 2020 jyldyń 1 qańtarynan bastap engizilgen.