24 qazanda Shymkent qalasynyń temir jol stansıasynda №117 baǵytyndaǵy 13 vagon joldan shyǵyp aýdarylǵan. Qaıtys bolǵandar men zardap shekkender joq. Oqıǵanyń sebepteri anyqtalyp jatyr. Bul týraly QR TJM resmı ókili Talǵat Ýálı habarlady.

Resmı ókil sózinshe, vagondar bos, quramynda 21 vagon bolǵan.

Oqıǵa ózge poıyzdardyń qozǵalysyna da áser etken. Qolda bar derekke saı, 5 jolaýshy jáne 10 júk poıyzy toqtap tur.

"Qazirgi ýaqytta jóndeý-qalpyna keltirý jumystary júrgizilýde, «QTJ» AQ-nyń 200 qyzmetkeri, Shymkent, Arys jáne Taraz stansıasynan 3 birlik qalpyna keltirý poıyzy jumyldyryldy.

Oqıǵa ornynda Shymkent qalasy TJD 6 qyzmetkeri jáne 3 birlik tehnıkasy, Shymkent stansıasy İshki ister jelilik polısıa bóliminiń 10 qyzmetkeri jáne 1 birlik tehnıkasy jumys isteýde. Joldy bosatý baǵytynda jumystar júrgizilip jatyr.

24 qazan saǵat 13.00-ge deıin poıyzdardyń qozǵalysy úshin bir joldy qalpyna keltirý josparlanýda" dep habarlady Talǵat Ýálı.