Qazaqstandaǵy asharshylyq týraly "Zulmat" derekti fılmi AQSH-taǵy HUMANITARIAN AWARD’ / "GÝMANITARLYQ JÚLDE" syılyǵyna laıyq dep tanyldy. Bul týraly fılm rejıseri Janbolat Mamaı facebook-te habarlady.
Fılm Nú-Ĭorktegi RusDocFilmFest festıvalinde Eýropanyń túrli elinen kelip túsken 14 fılmnen turatyn negizgi setkaǵa engen.
"Búgin "Zulmat" fılmi Nú-Ĭorktegi RusDocFilmFest festıvalinde "Gýmanıtarlyq júldege" laıyq dep tanylǵany jónindegi súıinishti habar aldym.
The Humanitarian Award (gýmanıtarlyq júlde) – gýmanıtarlyq qundylyqtardy damytýǵa jáne saqtaýǵa qosylǵan erekshe úles úshin beriletin júlde. Júlde avtorǵa, kınojobaǵa nemese fılmge beriledi.
Osylaısha, "Zulmat" – asharshylyq týraly, Qazaqstandaǵy genosıd týraly AQSH-ta, halyqaralyq arenada moıyndalǵan alǵashqy fılm ǵana emes, arnaıy premıaǵa qol jetkizgen fılm atanyp otyr.
Aıta ketergili, fılm aǵylshyn tilinde álemdik sahna – Nú-Ĭorkte kórsetildi. Bul – bólshevıkter rejımi jasaǵan asharshylyqty Qazaqstanda genosıd retinde taný jolynda jasalǵan mańyzdy qadam. Ýkraına Golodomordy ýkraın halqyna qarsy jasalǵan genosıd dep moıyndatqany sıaqty Qazaqstan da jappaı asharshylyqty qazaq halqyna qasaqana jasalǵan qylmys – Genosıd dep moıyndatýǵa qol jetkizýi kerek.
Fılmdegi barlyq derekter muny tolyq rastap tur. Buǵan barshamyz birge qol jetkizemiz dep úmittenemin" dep jazdy Janbolat Mamaı.
Pikir qaldyrý