Dárigerler qazaqstandyq áıelderge pandemıa aıaqtalǵansha balaly bolý josparyn shegerýdi usyndy. Pandemıa kezinde júkti áıelderdiń ólim kórsetkishi tórt ese ósken, dep habarlaıdy Qamshy.kz aqparat agenttigi «Astana» telearnasyna silteme jasap.
Toǵyz aıda Qazaqstanda 136 júkti áıel qaıtys boldy. 2019 jylmen salystyrǵanda bıyl ólim kórsetkishi 100 adamǵa kóp. Pandemıa kezinde kómek ýaqytyly kórsetilmegendikten ólim kórsetkishi kúrt ósken.
Sarapshylar koronavırýstyń ekinshi tolqynynda jaǵdaı qaıtalanýy múmkin dep boljaıdy. Dárigerler qatelikti qaıtalamaýy úshin koronavırýs juqtyrǵan júkti áıelderdi emdeýdiń tásilderin pysyqtaýda. Qazirgi tańda Qazaqstanda bes myń júkti áıelde koronavırýs ınfeksıasy bar ekeni anyqtalǵan.
Pikir qaldyrý