"Partıalar ákimniń emes, bıliktiń quly bolýǵa tıis" Mundaı málimdemeni "Aq jol" partıasynyń tóraǵasy Azat Perýashev Aqtóbede ótken konferensıada aıtty.

Konferensıa barysynda Perýashev partıa baǵdarlamasynyń negizgi baǵyttarynyń jobasyn tanystyryp, baǵdarlamaǵa bılik monopolıasyn ózgertýge, parlamenttik respýblıka ınstıtýttaryn engizýge erekshe kóńil bólingenin aıtty.

Sondaı-aq Azat Perýashev jıynda NurOtan partıasynyń barlyq fılıaldaryn ákimderdiń basqarýy durys emestigin atap ótti.

– Aımaqtyń basshysy sheneýnikterdiń tar múddesine emes, barlyq azamattarǵa qyzmet etýge tıis. Iá, NurOtan partıasynyń mıllıon múshesi bar deıdi. Biraq elimizdiń halqy – 19 mıllıon emes pe! Eger ákimder ózderinikin ǵana qoldaı berse, qalǵan 18 mıllıon kimge úmit artady? Mundaı tájirıbeden bas tartý kerek, múmkin ákimderge bılik partıasynyń fılıaldaryn basqarýǵa tyıym salǵan jón. Ákimder bıliktiń emes, halyqtyń quly bolsyn, – dedi Perýashev.