Elimizdiń bas sanıtar dárigeri Erlan Qıasov premer-mınıstrdiń orynbasary Eraly Toǵjanov bastaǵan delegasıa quramymen SQO, Pavlodar jáne Aqmola oblystarynda boldy.

Jumys sapary barysynda aımaqtardaǵy medısınalyq mekemelerdiń koronavırýs ınfeksıasynyń ekinshi tolqynyna daıyndyǵy tekserildi. Sondaı-aq epıdemıologıalyq ahýal boıynsha kezdesýler ótkizilip, jaǵdaıdy turaqtandyrý boıynsha qabyldanǵan sharalar týraly esepter tyńdaldy.

Sonymen qatar, Pavlodar oblysynda qazan aıynyń sońynda COVID-19 aýrýynyń úsh ese ósýi tirkeldi. Ásirese, Pavlodar, Ekibastuz jáne Aqsý qalalarynda indettiń taralýy órshigen. Aqmola oblysynda tirkelgen koronavırýs ınfeksıasynyń sany úsh esege artty. Osyǵan baılanysty 9 qarashadan bastap aımaqtarda karantın jáne shekteý sharalary kúsheıtiledi.

Densaýlyq saqtaý vıse-mınıstri E.Qıasov Aqmola oblysy sanıtarlyq-epıdemıologıalyq baqylaý komıtetiniń qyzmetkerlerimen, sondaı-aq ulttyq saraptama ortalyǵy oblystyq fılıalynyń basshysymen kezdesýler ótkizip, onyń barysynda azamattar men kásipkerlik sýbektileriniń sanıtarlyq-epıdemıologıalyq talaptardy saqtaý qajettiligi týraly eske saldy. Sonymen birge, PTR ádisimen COVID-19 ınfeksıasyn anyqtaý baǵytynda zerthanalyq tekserýler sanyn kóbeıtýdiń mańyzdylyǵyna toqtaldy.