10 qarashaǵa qaraǵan túni Reseı, Ázerbaıjan jáne Armenıa arasynda Taýly Qarabahta soǵysty toqtatý týraly málimdemege qol qoıylyp, kelisimshart jasalǵan. Armenıanyń kapıtýlásıasy týraly qujatqa qol qoıylǵannan keıin Ázerbaıjan prezıdenti Ilham Álıev jeńis týraly málimdeme jasady.

Málimdemede Ilham Álıev qýanyp, Pashınánǵa Taýly Qarabahtyń Ázerbaıjandiki ekenin taǵy bir eskertti.

– Al ne boldy, Pashınán? Seniń Qarabahqa qatysty statýsyń qaıda? Tozaqqa ketti statýsyń. Statýs joq, men prezıdent bolyp turǵanda bolmaıdy da. Qarabah Ázerbaıjandiki, – dedi Ázerbaıjan prezıdenti.

Al Armenıa premer-mınıstri Nıkol Pashınán Erevandaǵy qarsylyq sherýinen keıin óziniń otan aldynda "taza" ekenin aıtty. 

– Sherýge eshqandaı qatysy joq adam úıge qaıtsyn. Maǵan senetin jáne bizge senetinderdiń barlyǵynan jekpe-jekke daıyndalýyn suraımyn. Bizdiń adal áreket etkenimizge bir sekýndqa da kúmándanbańyzdar.  Men  barlyq suraqtarǵa jaýap bere alatyndaı, Otan men halyq aldynda taza bolamyn dep áreket ettim, – dep jazdy Pashınán facebook paraqshasynda.