Armenıanyń Taýly Qarabahqa baılanysty kapıtýlásıasynan keıin el astanasy Erevannyń ortalyǵynda jappaı narazylyq sherýi bastaldy. Mıtıńshiler kelisimshartqa narazylyqtaryn bildirip jatyr. Úkimet ǵımaratynyń aldyndaǵy alańǵa birneshe myń adam jınalǵan. Olar qorshaýdy buzyp, keshenge kirdi.

Sherýshiler Taýly Qarabahta bolǵanyn jáne soǵys qımyldaryna qatysqandaryn atap ótip, urys alańyna qaıta barýǵa daıyn ekenin aıtyp, talaptaryn jetkizdi.

Sherýshiler "Moı Shag" depýtattaryn opozısıalyq kúshterge qosylýdy jáne Armenıa premer-mınıstri, Reseı jáne Ázerbaıjan prezıdentteri qol qoıǵan Qarabah týraly úshjaqty málimdemeniń kúshin joıý prosesin bastaýdy talap etti.

– Olar kelisimniń kúshin joıyp, bizge komandır bersin, biz bárimiz birigip maıdanǵa baramyz. Biz Otanymyzdy qorǵaýǵa bardyq, biraq bizdi jerimizdi berip jiberý úshin qaıtaryp jiberdi, – dedi narazylyq bildirýshilerdiń biri.

Taǵy bir sherýshi onyń barlyq dostary maıdanǵa baryp, qarý alýǵa daıyn ekenin aıtty. Olar barlyq saıası kelispeýshilikterdi umytyp, birigip, soǵysty jalǵastyrýdy talap etedi.