Armenıa prezıdenti Armen Sarkısán Reseı men Ázerbaıjannyń Qarabahqa qatysty kelisimi týraly BAQ-tan bilgen, dep jazady Qamshy.kz aqparat agenttigi Sputnik Armenıaǵa silteme jasap.

Sarkısán atalmysh másele boıynsha eshqandaı kelissózge, talqylaýǵa qatyspaǵanyn aıtady. Qarabah  ultaralyq jaǵdaı bolǵandyqtan oǵan qatysty kelissózderdiń barlyǵy birge talqylanýy qajet ekenin jetkizdi.

Saıasatker Qarabah taǵdyry armándardyń ulttyq qyzyǵýshylyǵy men kelisimimen qabyldanýy kerek ekenin aıtady.

10 qarashada Armenıanyń premer-mınıstri Nıkol Pashınán, Ázerbaıjan prezıdenti Ilham Alıev jáne Reseı prezıdenti Vladımır Pýtın Taýly Qarbahtaǵy soǵysty toqtatý týraly sheshim qabyldaǵan.

Taýly Qarabah qaqtyǵys 27 qyrkúıekte shıelenisken. Ázerbaıdan men Armenıa úsh ret oq atýdy toqtatý týraly kelisimge kelgen, biraq úsheýinde de kelisim oryndalmady.