Armenıa premer-mınıstri Nıkol Pashınán Taýly Qarabah týraly kelisim nege buryn jarıalanbaǵanyn málimdedi, dep habarlady Sputnik Armenıa agenttigi.

– Ásker "toqtaý kerek" dedi. Sebebi bizde suraqtar bar, biraq olardy sheshý joq nemese resýrs taýsyldy. Áskerı resýrs barlyq jaǵynan tıimsiz boldy. Maıdan kezinde aldyńǵy qatarda bolǵandardy almastyratyndar bolmady. Aldyńǵy shepte júrgenderdiń demalýǵa múmkindigi bolýy kerek edi. Biraq olardy almastyratyn eshkim tabylmady. Nátıjesinde Armenıa Respýblıkasy men Arsah Respýblıkasynyń basshylyǵy soǵysty múmkindiginshe tezirek toqtatý týraly sheshim qabyldady, áıtpese onyń saldary áldeqaıda aýyr bolady, – dedi premer-mınıstr Nıkol Pashınán facebook-tegi tikeleı efırde.