Brazılıa Qytaıdyń koronavırýsqa qarsy vaksınasyn synaqtan ótkizýdi toqtatty. 29 qazanda vaksınanyń aýyr saldary anyqtalǵan. Alaıda naqty qandaı saldary bar ekeni naqtylanbady.

Sinovac vaksınasy álem boıynsha synaqtyń sońǵy satysynda. Qytaı ony óz elinde myńdaǵan adamǵa salǵan.

Brazılıa koronavırýsqa shaldyqqandar sany boıynsha álemde aldyńǵy qatarda tur. Onda alty mıllonǵa jýyq adamnan koronavırýs ınfeksıasy tabylǵan.

Djon Hopkıns ýnıversıtetiniń málimetinshe, qazir koronavırýs aýrýy órship turǵan elderdiń úshtigine AQSH, Úndistan jáne Italıa kiredi.

Brazılıada 9 qarashada vaksınanyń aýyr saldary anyqtalǵannan keıin ony synaqtan ótkizý toqtatylǵan. Dál sol vaksına Indonezıa men Túrkıada synaqtan ótti. Alaıda, bul elder vaksınany synaqtan ótkizýdi toqtatpady.

Reuters-tiń málimetine sáıkes, Brazılıanyń medısınalyq zertteý júrgizetin Býtantan ınstıtýtynyń basshysy Dımas Kovas (Dimas Covas) jergilikti BAQ-qa ólim tirkelgenin, biraq onyń vaksınaǵa baılanysty emes ekenin aıtqan.

Seısenbide ótken konferensıada vaksınany synaqtan ótkizýdi toqtatý tańǵalarlyqtaı jaǵdaı emes ekeni aıtyldy. Osyndaı jaǵdaı Brıtanıada  da boldy. Qyrkúıekte Brıtanıada Covid-19 vaksınasyn synaqtan ótkizý toqtatylǵan. Sebebi vaksınany salǵannan keıin eriktiniń jaǵdaıy nasharlaǵan.

Brazılıa prezıdenti Jaır Bolsonarý (Jair Bolsonaro) daıyn vaksınany satyp alýdy qalaıtynyn aıtyp, Qytaı jasaǵan vaksınany satyp alýdan bas tartty.