Armenıa astanasy Erevanda 11 qarashada Armenıanyń 17 opozısıalyq partıasy Qarabaqtaǵy qaqtyǵysty toqtatý týraly kelisimge qol qoıǵan premer-mınıstr Nıkol Pashınánǵa qarsy mıtıń ótkizýdi josparlap jatyr. Osy jaǵdaıǵa baılanysty Nıkol Pashınán Erevannan qashyp ketýge áreket jasaǵan. Day.Az saıty habarlaǵandaı, áleýmettik jelilerde  armán áskerleriniń analary onyń elden qashyp ketýine jol bermeýge tyrysyp jatqan vıdeosy tarady.

Buǵan deıin Armenıa premer-mınıstri Nıkol Pashınán, Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıǵan edi. Armenıadaǵy opozısıa ókilderi bul kelisimdi "bizdiń tarıhtaǵy eń uıatty paraq"  dep ataǵan.

"Maıdanda jer men memlekettilikti qanymen qorǵaǵan jaýyngerdiń jáne bizdiń artymyzdan ultqa qarsy kelisimge qol qoıyldy. Qazirgi jaǵdaıda bizdiń birligimiz óte qajet. Erteń, 11 qarasha, saǵat 13.00-de (Astana ýaqytymen 15.00 – red.) biz jınalys ótkizemiz. Bostandyq alańynda biz sizge qazirgi jaǵdaı týraly aıtyp beremiz" delingen Dashnaksýtún partıasynyń saıtyndaǵy habarlamady.

Oqı otyryńyz:

♦ "Pashınán – satqyn". Armenıada mıtıń ótti (vıdeo)