Qazaqstan Respýblıkasynyń syrtqy ister mınıstrligi Qarabaqtaǵy qaqtyǵysqa qatysty málimdeme jasady.

Mınıstrliktiń resmı saıtynda jarıalanǵan málimdemede Ázerbaıjan prezıdentiniń, Armenıa premer-mınıstriniń jáne Reseı prezıdentiniń Taýly Qarabaq qaqtyǵysy aımaǵyndaǵy atysty jáne barlyq áskerı is-qımyldardy toqtatý týraly málimdemesin joǵary baǵalaıtyny jazylǵan.

"Qol jetkizilgen ýaǵdalastyqtar BUU Qaýipsizdik Keńesiniń qararlaryna sáıkes keledi jáne Taýly Qarabaq problemasyn retteý úshin negiz bola alady. Osy kelisimge qol jetkizýdegi Reseı Federasıasynyń syndarly rólin jáne onyń ýaǵdalastyqtardy is júzinde iske asyrýǵa baǵyttalǵan bitimgershilik kúsh-jigerin erekshe atap ótemiz" delingen málimdemede.

Sondaı-aq mátinde ázerbaıjan men armán halyqtary berik beıbitshilik pen kelisim ornatý, óńirde qaýipsizdikti qamtamasyz etý úshin senimdi irgetas qalaýǵa umtylatyndaryna úmit bildirilgen.