Qarabaqtaǵy armándardyń maqsaty – Qarabaqqa qaıtý emes, shet el asyp ketý. Bul týraly  aze.az basylymy habarlady. 

Armán saıasattanýshysy Stepan Danıelán Facebook paraqshasynda kóptegen Qarabaq armándarynyń Reseıge birjola kóship ketýge daıyn ekenin jazdy. Óıtkeni Armenıada olar úshin ómir súrýge  jaǵdaı jasalmaǵan.

– Jeńilgen tarap oryndyqtaryn saqtaý týraly ǵana oılaıdy. Biz genofondty joǵaltamyz, aýmaqtardy joǵaltamyz. Munyń bárin qalaı sıpattaýǵa bolady? – dep jazdy Danıelán.

Erevandaǵy narazylyq kezinde Qarabaq armándarynan budan ári ne isteıtinderin suraǵan, olardyń kópshiligi "Armenıadan ketemiz" dep jaýap bergen.

Buǵan deıin Qarabaq qaqtyǵysynyń aıaqtalǵany týraly habarlanǵan. Armenıa premer-mınıstri Nıkol Pashınán Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıdy. Osylaısha úsh eldiń arasynda bolǵan kelisim boıynsha 3 aýdan Ázerbaıjanǵa qaıtarylyp, basqynshy ásker aımaqtan shyǵarylady. Bul kelisimnen keıin Armenıa astanasy Erevanda premer-mınıstrge qarsy mıtıń ótip, halyq Pashınánnyń otstavkaǵa ketýin talap etken bolatyn.