Densaýlyq saqtaý mınıstrligi Qazaqstanda ótken táýlikte 638 adamnan koronavırýs, 179 adamnan koronavırýs ınfeksıasynyń belgileri bar pnevmonıa anyqtalǵanyn habarlady. 3 adam pnevmonıadan kóz jumǵan.

Sondaı-aq ótken táýlikte 326 adam koronavırýstan, 65 adam pnevmonıadan emdelip shyqqan.

Qazaqstanda resmı derek boıynsha koronavırýs tirkelgen alǵashqy kúnnen búginge deıin 119129 adam vırýs juqtyryp, onyń 108958-i emdelip shyqqan. 1899 adam koronavırýstan kóz jumǵan.

39724 adamnan koronavırýs belgileri bar pnevmonıa anyqtalǵan. 29416 jazylǵan, 415 adam ólgen.

Qoǵamda bılik koronavırýstan qaıtys bolǵandar sanyn azaıtyp kórsetip otyrǵany týraly pikir bar.

Statısıka komıtetiniń dereginshe, 2020 jylǵy mamyr-tamyz aılarynda qaıtys bolǵandar sany ótken jylǵy sáıkes kezeńmen salystyrǵanda 31 myń adamǵa kóp.

Dúnıejúzilik densaýlyq saqtaý uıymy, shetel jáne Qazaqstan ǵalymdary koronavırýs pen pnevmonıanyń bir ekenin dáleldeıtin derekter keltirgenine qaramastan, densaýlyq saqtaý mınıstrligi indetti bólek qarap, statısıkasyn da bólek júrgizip keledi.