Qyrǵyzstan prezıdentiniń mindetin atqarýshy, premer-mınıstr Sadyr Japarov ortalyq saılaý komısıasyna merziminen buryn prezıdent saılaýyna qatysý týraly habarlama jiberdi. Bul týraly 24.kg jazdy. 

Agenttiktiń dereginshe, zańǵa sáıkes saılaý naýqany kezeńinde Japarov prezıdent ókilettiginen ketýge mindetti. Al sol mindetin atqarýshy ataýy parlament spıkeri Talant Mamytovqa ótýge tıis. Sáıkesinshe Mamytovtyń birinshi orynbasary Artem Novıkov premer-mınıstrdiń mindetin atqarady.

Prezıdenttikke úmitkerler tizimi de belgili boldy. Ótinish bildirgenderdiń ishinde zaǵıp aqyn Temirlan Ormýkov, ishki ister mınıstriniń eks-orynbasary Kýrsan Asanov, "MZF Group" JSHS bas dırektory, eks-ombýdsmen Tursunbaı Bákir uly, burynǵy ádilet mınıstri Marat Qaıypov, №44 mekteptiń muǵalimi Qaragach Ismaılova jáne jumyssyz júrgen Erbol Toqtogýlov bar.

Buǵan deıin prezıdent saılaýyna qatysý týraly habarlamalardy OSK-ǵa "Býtýn Qyrǵyzstan" partıasynyń jetekshisi Adahan Madýmarov, áıgili "Qys bolmaıdy" meminiń avtory Arstan Alaı, ekonomıs Kýban Choroev, belsendi Nazarbek Nyshanov, Jalal-Abad oblysynyń burynǵy gýbernatory Bektýr Asanov, Qanat Isaev, zeınetker Ábdikaar Sydyqov, "Ulýtman" saıası partıasynyń jetekshisi Sazyqbaı Týrdýmalıev, belsendi Nurlan Motýev, "OshGaz" fılıalynyń burynǵy basshysy Rashıd Tagaev, "Tolýbaı" AQ dırektorlar keńesiniń keńesshisi Jeńisbek Baıǵýttıev, Konstıtýsıalyq palatanyń jáne Samaranyń Konstıtýsıalyq palatasynyń burynǵy sýdıasy Aımen Qasenov jazǵan bolatyn.

Qyrǵyzstan Respýblıkasyndaǵy eń joǵary memlekettik laýazymǵa úmitkerlerden ótinishterdi qabyldaý merzimi búgin aıaqtaldy.