Oblystaǵy mektepterdiń qatary taǵy bir zamanýı bilim oshaǵymen tolyǵyp, Temir aýdanynda Qyzyljar orta mektebi paıdalanýǵa berildi.
Jańadan iske qosylǵan bilim shańyraǵynyń ashylý saltanatyna oblys ákimi Ońdasyn Orazalın qatysyp, turǵyndar qýanyshyna ortaqtasty
Aýdan ortalyǵynyń shetinde keıingi jyldary jańa turǵyn úılerlerdiń paıda bolýymen birge áleýmettik nysandarǵa degen qajettilik te týyndaǵan bolatyn. 

Osy bilim uıasynyń qoldanysqa berilýi - sonymen qatar oblystaǵy úsh aýysymdy mektepterdiń máselesin sheshýge de septigin tıgizdi.
Bul - aýdan ortalyǵy Shubarqudyq kentinde sońǵy 30 jyldan beri tuńǵysh ret jańadan boı kótergen bilim ordasy. 320 oryndyq mekteptiń janynda 60 oryndyq ınternaty bar.
Paıdalanýǵa berilgen bilim ordasyna 1 mlrd. teńge jumsalǵan, merdiger mekeme - "Sparta ı Ko" JSHS. 
3 qabatty mektep ǵımaraty sońǵy zamanaýı úlgidegi kabınettermen jabdyqtalǵan, beınebaqylaý ornatylǵan, ınternet jelisine qosylýǵa múmkindigi bar.
Jalpy oblysta apatty jáne úsh aýysymdy mektepterdi qysqartý, oqýshy oryndarynyń tapshylyǵyn tómendetý baǵytynda nysanaly jumystar jasalýda.
Aǵymdaǵy jyly 5875 orynǵa arnalǵan 20 mektep qurylysy júrgizilýde. Atalǵan maqsatqa 6,4 mlrd. teńge bólindi (jalpy maqsattaǵy transfert – 3,7 mlrd. tg., JQJK -2,1 mlrd. tg, JB-0,6 mlrd.tg).
Salynyp jatqan 20 mektep 10 úsh aýysymdy, 5 oryn tapshylyǵy bar, 3 eski jáne 1 apatty mektep máselesin sheshýge múmkindik beredi.
2020-2021 jańa oqý jylyna 1 («Raýan» turǵyndar massıvindegi №74 mektep) mektep paıdalanýǵa berildi.