Túrkıa memlekettik departamenttiń joǵary laýazymdy ókili prezıdent Rejep Taıyp Erdoǵan Túrkıaǵa elge kelgen AQSH-tyń memlekettik hatshysy Maık Pompeomen kezdesýge ýaqyt tappaǵanyn málimdedi. 

– Memlekettik hatshy da, Syrtqy ister mınıstri (Mevlút) Chavýshoglý, sonyń ishinde túrik sheneýnikteri de, meniń oıymsha, prezıdent Erdoǵan da kezdesýdiń bolǵanyn qalaıdy. Kezdesý bolmaı qaldy. Sebebi prezıdenttiń jumys kestesinde ózgerister bolyp, AQSH memleket hatshysynyń sapary kezine josparlaǵan kezdesýge ýaqyt taba almadyq, – dedi dıplomat Ystambuldaǵy brıfıńte.

Túrkıadaǵy memlekettik departamenttiń ókili Vashıngton men Ankara arasynda kelispeýshilikter bar ekenin moıyndady.

– Pompeo Ystambulǵa keldi, onda ol Konstantınopoldiń Patrıarhy Bartolomeımen kezdesedi. Al Túrkıanyń astanasy Ankaraǵa sapary onyń kestesinde josparlanbaǵan, – dep tolyqtyrdy ol.

Buǵan deıin Túrkıanyń AQSH-pen qarym-qatynasyndaǵy salqyndyq Reseıdiń S-400 áýe shabýylyna qarsy qorǵanys júıelerin Ankaraǵa jetkizý jumystary bastalǵannan keıin paıda boldy. Vashıngton Túrkıanyń Reseımen jasasqan mámileden bas tartýdy jáne onyń ornyna amerıkalyq Patrıot júıelerin satyp alýdy talap etken. Jáne artynsha F-35 ıstrebıtelderin Túrkıaǵa satýdy keıinge qaldyratynyn nemese satpaıtynyn aıtyp qorqytty. Sonymen qatar "CAATSA ("Amerıkanyń qarsylastaryna sanksıalar arqyly qarsy turý týraly" týraly zańǵa) sáıkes sanksıalar salamyz" degen. Soǵan qaramastan, Ankara ymyraǵa kelýden bas tartty jáne Reseıden qosymsha S-400 partıasyn satyp alý týraly kelissózderdi jalǵastyrdy.