Tesla men SpaceX kompanıasynyń bas atqarýshy dırektory Ilon Mask "Taqtar oıynynyń" aktrısasy Maızı Ýılámstiń ınvestısıalyq keńes suraǵan tvıtine jaýap berip, bıtkoındy "arýaq aqsha" dedi.

Sońǵy aptalarda bıtkoın quny 17,400 dollarǵa deıin kóterildi, al jyl basynda 5000 dollarǵa deıin tómendedi. Bul 2017 jyly qol jetkizgen rekordtyq qunynan 3000 dollar kem.

Dúısenbide Ýıláms hanym Tvıtterde "Bıtkoınmen aınalysa bereıin be?" degen saýalnama jarıalaǵan.

Saýalnamaǵa 900 myńnan astam adam qatysyp, 53 paıyzy "joq", 47 paıyzy "ıá" dep daýys berdi.

Jaýap bergenderdiń arasynda osy aptanyń basynda álemdegi úshinshi baı adam bolǵan Mask da boldy.

Mask bıtkoındy eles aqsha dep, "The Onion" basylymynyń 2017 jyly satıralyq maqalasyndaǵy bıtkoındy "arýaq aqsha" degenin mysalǵa keltirdi.