Baspasózde Argentına quramasynyń burynǵy fýtbolshysy jáne jattyqtyrýshysy Dıego Maradonanyń sońǵy sózi delingen aqparat tarap jatyr. Ol jerde fýtbolshy densaýlyq jaǵdaıynyń máz emestigin aıtqan. Bul týraly Todo noticias telearnasyny habarlaǵan.

Maradona ómiriniń sońǵy sátterinde úıinde jıeni, psıholog jáne medbıke Djonnı Esposıtomen birge bolǵan. Tańǵy astan keıin "jaǵdaıym jaqsy emes" dep, tynyǵý úshin bólmesine ketken. Bul jaqyndary Maradonadan estigen sońǵy sóz bolǵan desedi.

Bir mezette onyń demalýy qıyndap, jaqyndary jedel járdem shaqyrǵan. Fýtbolshyǵa toǵyz jedel járdem kóligi kelgen, biraq dárigerler fýtbolshyny ajaldan arashalaı almady.

Dıego Maradona jedel talmasynan kóz jumǵany belgili boldy. Aýtopsıa týraly esepte onyń "jedel ókpe isinýi" bar ekeni de aıtylǵan.

Dańqty fýtbolshy Maradona 61 jasynda 25 qarashada Býenos-Aırestegi (Argentına) Nordelt aýdanyndaǵy úıinde jergilikti ýaqyt boıynsha saǵat 12.00-de (Nur-sultan ýaqyty boıynsha 21.00-de) qaıtys bolǵan.