Shotlandıanyń premer-mınıstri Nıkola Sterdjen eldiń Ulybrıtanıadan bóliný yqtımaldyǵy týraly taǵy aıtty. Bul týraly radiosputnik.ria.ru saıty habarlady. 

Nıkola Sterdjenniń aıtýynsha, Shotlandıanyń táýelsizdigi qazirdiń ózinde "aıqyn kózqaras órisinde" jáne el "táýelsiz elderdiń qatarynan óz ornyn alýǵa" daıyn.

– Shotlandıa halqy óz bolashaǵyn tańdaýǵa quqyly. Endi barlyq kúsh-jigerimizdi ózimiz jáne bolashaq urpaq úshin ómirdi jaqsartýǵa baǵyttaıyq. Men Shotlandıanyń táýelsizdikke jetetinine dál bulaı senimdi bolǵan emespin, – dedi jergilikti úkimet basshysy.

Shotlandıa – Ulybrıtanıa jáne Soltústik Irlandıa Birikken Koróldigi quramyndaǵy avtonomdy memleket. 

Shotlandıanyń táýelsizdigi týraly buǵan deıingi daýys berý 2014 jyldyń 18 qyrkúıeginde bolǵan. Sodan keıin referendýmǵa qatysýshylardyń shamamen 55%-y eldi koróldikte qalýdy jón sanady. Al sońǵy saýalnamaǵa sáıkes, shotlandtardyń kóbisi táýelsizdikti jaqtaǵan. Alaıda aımaqtyń bolashaǵy týraly sheshim koronavırýs pandemıasyna baılanysty keıinge qaldyryldy.