Densaýlyq saqtaý mınıstrligi ótken táýliktegi epıdemıologıalyq ahýaldy habarlady.

Mınıstrlik málimetinshe, bir kúnde 670 adamnan koronavırýs, 18 adamnan pnevmonıa anyqtalǵan. 8 adam koronavırýstan, 2 adam koronavırýs belgileri bar pnevmonıadan qaıtys bolǵan.

Vedomstvo dereginshe, qazirgi ýaqytta koronavırýs ınfeksıasynan 14 210 adam em qabyldaýdy jalǵastyryp jatyr. Olardyń arasynda 1 001 bala bar. Stasıonarlarda 3 803 naýqas jatyr. 10 427 adam ambýlatorıalyq jaǵdaıda emdelýde.

Naýqastardyń arasynda 246 adamnyń ahýaly nashar. Sonyń ishinde 31 naýqastyń ahýaly asa qatty aýyr. 36 naýqas ókpeni jasandy jeldetý apparatynda jatyr.

Qazaqstanda COVID-19 tirkelgen alǵashqy kúnnen búginge deıin 137 653 adamnan koronavırýs anyqtalǵan. Onyń ishinde 2096 adam qaıtys bolǵan. 1 tamyzdan bastap júrgizilgen pnevmonıa statısıkasyna sáıkes, osy kúnge deıin 43 124 adamnan pnevmonıa anyqtalǵan. 456 adam ólgen.