Qazaqstandyq kásipker, eks-prezıdent Nazarbaevtyń kúıeý balasy Tımýr Qulybaev  Financial Times basylymynda baıandalǵan aqparat boıynsha resmı tekserý júrgizý úshin QR bas prokýratýrasyna úndeý jasady, dep habarlady Inbusiness.kz.

"3 jeltoqsanda Financial Times gazetinde jarıalanǵan maqalaǵa qatysty mynany habarlaımyz. Tımýr Qulybaev naqty faktilermen rastalmaǵan tujyrymdar (bekitýler), resmı túsiniktemelerge qaıshy keletin ózara baılanysty emes sýbektıvti qorytyndylar jıyntyǵy bolyp tabylatyn dezınformasıalyq sıpattaǵy materıaldar qamtylǵan jarıalanymmen kelispeýshiligin bildiredi. Tımýr Qulybaev osy bapta kórsetilgen mámilelerge eshqashan tikeleı nemese janama túrde qatysqan emes. Joǵaryda aıtylǵandardy eskere otyryp, Tımýr Qulybaev resmı jan-jaqty tekserý júrgizý úshin bas prokýratýraǵa júgindi" delingen habarlamada.