10 jeltoqsanda Qazaqstanda saıası partıalardyń saılaýaldy úgit-nasıhat jumystary bastaldy. Árbir partıa turǵyndardy óziniń saılaýaldy baǵdarlamasymen tanystyrady.

Búgin, 12 jeltoqsanda QR Májilisine depýtattyqqa kandıdat Samat Musabaev, aýdandyq máslıhatqa kandıdat Erlan Tájibaev pen Gúlshat Muqanova Qaraqıa aýdany Jetibaı aýylynyń turǵyndarymen úgit-nasıhat kezdesýin ótkizdi.

Kandıdattar 2021 jylǵy 10 qańtarda ótetin QR Májilisi men jergilikti máslıhattardaǵy saılaý týraly aıtyp, "Nur Otan" partıasynyń baǵdarlamasymen egjeı-tegjeıli tanystyrdy. Olar óz saılaýshylarymen sóılesip, ózekti máselelerdi talqylady. Osylaısha, aýyl turǵyndarymen kezdesý barysynda áleýmettik qamsyzdandyrý, onyń ishinde jumysqa ornalasý máseleleri basty nazarda boldy jáne kandıdattar aýyl turǵyndaryn tolǵandyratyn kóptegen suraqtarǵa jaýap berdi.

Sol kúni Májiliske depýtattyqqa kandıdat Samat Musabaev Quryq aýylyndaǵy "Qaraqıa kásiptik koleji" MKQK qyzmetkerlerimen kezdesti. Kolej qyzmetkerleri jastarǵa qandaı qoldaý kórsete alatynyn surady. Samat Bazarbaıuly aýyl jastaryn qoldaýǵa baǵyttalǵan jumys josparlary týraly aıtty. Bul kezdesýge kolej basshysy Dalabaı Bekmaǵambetov te belsendi qatysty.

Senbi, 12 jeltoqsanda Májiliske depýtattyqqa taǵy bir kandıdat Edil Jańbyrshın Quryq aýylynda "Esikten esikke" aksıasyna qatysty. Edil Terekbaıuly óz baǵdarlamasynyń negizgi tarmaqtary týraly aıtyp, aýyl turǵyndarymen áńgime júrgizdi jáne turǵyndardy tolǵandyryp júrgen máselelerin tyńdady.

"Partıa úshin, eń aldymen, qarapaıym halyqtyń úmiti men armanyn iske asyrý mańyzdy. Men búgin turǵyndardyń usynystaryn tyńdap, olardy sheshýge daıynmyn. Ár saılaýshynyń daýysy biz úshin mańyzdy. Sizdiń tańdaýyńyz-búkil eldiń bolashaǵyn tańdaý. Sizderdi 10 qańtarda "Nur Otan" partıasyna daýys berýge shaqyramyn. Qıyndyqty eńsere otyryp, jeńiske birge jeteıik!"- dedi E.Jańbyrshın.

Búgin Quryq aýylynda Májiliske depýtattyqqa kandıdat Ospan Qazaqbaev, oblystyq máslıhatqa kandıdat Meıramgúl Amanıazova qurmetti aqsaqal Kýrentaı İzbergenov pen Erjan Begnıazmen kezdesti. Kezdesý barysynda Ospan Dádenuly olardy "Nur Otan" partıasynyń baǵdarlamasymen tanystyrdy.

Kezdesýge qatysýshylar el táýelsizdiginiń basty jetistikterin - turaqtylyqty, beıbitshilikti, halyqtyń birligin atap ótip, "Nur Otan" partıasyna óz daýystaryn berýge nıet bildirdi.

«Nur Otan» partıasynyń Mańǵystaý oblystyq saılaý qorynan tólendi