Almatynyń qylmystyq ister jónindegi mamandandyrylǵan aýdanaralyq soty Brıtanıa azamaty Mohammed Barakatty 20 jylǵa sottady. Ol Almatydaǵy InterContinental qonaq úıinde 1 jasar balany óltirdi dep aıyptaldy, dep habarlady The Sun.

Qonaq úıdiń kamerasyna 23 jastaǵy Madına qyzy Sofıany kóterip bara jatqany túsip qalǵan. Kýágerlerdiń aıtýynsha, Sofıanyń denesi kógergen. Ári demalmaǵan. Sofıanyń anasy qonaq úı ákimshiliginen kómek suraǵan. Qyzmetkerler jedel járdem shaqyrdy. Alaıda balany aman alyp qalý múmkindik bolmady.

InterContinental qyzmetkerleri Madına qyzdyń ólimine 41 jastaǵy kúıeýi Mohammad Barakatty aıyptaǵanyn aıtady. Madına "Ol meniń qyzymdy óltirdi. Ol ony urdy" dep birneshe ret aıqaılaǵan.  

Mohammed Barakat kinásin moıyndamady. Aıtýynsha, ol qoıanshyq aýrýymen aýyrady. Qyzy Sofıa Mohammad aýrý ustaǵanda qaıtys bolǵan. Ol eshteńe esinde joq ekenin aıtady.

Mohammed Barakat Malaızıanyń AirAsia áýe kompanıasynda ushqysh retinde jumys istegen. Onyń mundaı dıagnozben qalaı jumys istegeni túsiniksiz.