Jańa jyldan bastap jalpyǵa birdeı deklarasıalaýǵa kóshýdiń alǵashqy kezeńi júzege asyrylady – 2020 jyldyń 10 jeltoqsanynda Prezıdent «Salyq jáne búdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) ózgerister men tolyqtyrýlar engizý týraly» QR Zańyna qol qoıdy. Qujat normalaryna sáıkes 2021 jyldyń 1 qańarynan bastap elimizde jalpyǵa birdeı deklarasıalaý júıesi engiziledi, dep habarlady QR QM Memlekettik kirister komıtetiniń baspasóz qyzmeti.

Salyq Kodeksinde jalpyǵa birdeı deklarasıalaýdy tórt kezeńmen júzege asyrý qarastyrylǵan.

2021 jyldyń 1 qańtarynan bastalatyn birinshi kezeńde Aktıvter men mindetter jónindegi deklarasıany jaýapty memlekettik laýazymdaǵy tulǵalarmen olardyń jubaılary; ​memlekettik fýnksıalardy oryndaýǵa ýákilettik berilgen jáne olarǵa teńestirilgen tulǵalarmen olardyń jubaılary, sondaı-aq ​​«Qazaqstan Respýblıkasyndaǵy saılaý týraly» QR Konstıtýsıalyq Zańyna jáne «Sybaılas jemqorlyqqa qarsy is-qımyl týraly», «Qazaqstan Respýblıkasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblıkasynyń zańdaryna sáıkes deklarasıa usyný jónindegi mindet júktelgen tulǵalar tapsyrady.

Bul deklarasıa, deklarasıalaý júıesine engizý mezetinde sol ýaqytqa aktıvterdiń kólemin belgileý jáne odan ári múliktiń ósimin monıtorıńileý úshin bir ret usynylady. Joǵaryda atalǵan azamattar aktıvter men mindetter týraly derekterdi 2020 jyldyń 31 jeltoqsanyndaǵy jaǵdaı boıynsha kórsetýge tıis.

Atap aıtqanda, ol boıynsha quqyq jáne (nemese) kelisim-shart shetel memleketiniń zańnamasyna sáıkes shetel memleketiniń quzyrly organynda memlekettik nemese ózge de tirkeýge jatatyn múlik deklarasıada kórsetilýi tıis. Kórsetiletin múlik tizimine sondaı-aq, jyljymaıtyn múlik, jer ýchaskeleri jáne (nemese) jer úlesteri, áýe jáne teńiz kemeleri, ishki sýlarda júzý kemeleri, «ózen-teńiz» júzý kemeleri, kólik quraldary, arnaıy tehnıkalar jáne (nemese) tirkemeler, QR aýmaǵynan tys, sheteldik bankterdiń esepshotynda saqtalǵan barlyq banktik salymdary boıynsha respýblıkalyq búdjet týraly zańmen belgilengen jáne esepti salyq kezeńiniń 31 jeltoqsanyna deıingi qoldanystaǵy eń tómengi eseptik kórsetkishtiń 1000 eselengen aqsha qarajaty jatady.

Sonymen qatar, QR-ǵy jáne (nemese) onyń aýmaǵynan tysqary jerlerdegi múlikteri týraly, ıaǵnı turǵyn úı qurylysyndaǵy úleskerlik qatysymy týraly kelisim boıynsha turǵyn-jaıdaǵy úlesi; QR aýmaǵynan tysqary jerlerde qurylǵan zańdy tulǵanyń jarǵylyq kapıtalyndaǵy qatysý úlesi, qundy qaǵazdar, týyndy qarjy quraldary (atqarylýy bazalyq aktıvti satyp alý nemese satý arqyly júrgziletin týyndy qarjy quraldarynan ózge), ınvestısıalyq altyn, ıntellektýaldyq menshik nysandary, avtorlyq quqyq týraly derekterdi kórsetý qajet.

Sondaı-aq, respýblıkalyq búdjet týraly zańda belgilengen jáne jeke tulǵanyń aktıvteri men mindettemeleri týraly deklarasıa tapsyrǵan jyldyń aldyndaǵy jyldyń 31 jeltoqsanyndaǵy jaǵdaı boıynsha eseptelgen eń az eseptik kórsetkishtiń 1000 eselengen mólsherinen aspaıtyn mólsherdegi qolma-qol aqsha; QR-daǵy bankter jáne bank qyzmeti jónindegi Qazaqstan Respýblıkasynyń zańdaryna sáıkes qurylǵan bankter men bank operasıalarynyń jekelegen túrlerin júzege asyratyn uıymdar aldyndaǵy bereshekterdi qospaǵanda, mindetteme nemese talap týyndaýyna negiz bolatyn, notarıaldy kýálandyrylǵan kelisimshart nemese basqa qujat bolǵan kezde jeke tulǵalardyń bireýler aldyndaǵy qaryzdary (kredıtorlyq bereshek) jáne (nemese) basqa tulǵalardyń jeke tulǵa aldyndaǵy qaryzdary (debıtorlyq bereshek) kórsetiledi.

Sondaı-aq, joǵaryda kórsetilgen tulǵalardyń birlik baǵasy respýblıkalyq búdjet týraly zańda belgilengen jáne esepti salyq kezeńiniń 31 jeltoqsanyna deıin qoldanysta bolatyn eń tómengi eseptik kórsetkishtiń 1000 eselengen mólsherinen asatyn óner týyndysy sekildi jáne t.b., qymbat baǵaly múlki bolǵan jaǵdaıda, eger ol Qazaqstan Respýblıkasynyń baǵalaý qyzmeti týraly zańnamasyna sáıkes baǵalaýshy men salyq tóleýshi ​​arasyndaǵy kelisim boıynsha júzege asyrylǵan baǵalaý týraly esepte aıqyndalǵan mán bolsa, deklarasıa tapsyrýshy ony óz erki boıynsha deklarasıada kórsetýge quqyly.

Memlekettik nemese ózge tirkeýge jatatyn múlikti, sondaı-aq olar boıynsha quqyqtar jáne (nemese) mámileler memlekettik nemese ózge de tirkeýge jatatyn múlikterdi  qospaǵanda.

Jalpyǵa birdeı deklarasıalaýdyń birinshi  kezeńine kiretin adamdar úshin turǵylyqty jeri (kelý orny) boıynsha deklarasıany qaǵaz nusqada tapsyrý merzimi – 2021 jyldyń 15 shildesinen keshiktirmeı  nemese elektrondyq nusqada – 2021 jyldyń 15 qyrkúıeginen keshiktirilmeýi tıis.

Odan ári, aktıvter men mindettemeler týraly Deklarasıany (250.00 SEN) tapsyrǵannan keıin, osy sanattaǵy tulǵalar 2022 jyldyń 1 qańtarynan bastap jyl saıyn kiristeri men múlikteri týraly Deklarasıa (270.00 SEN) tapsyrýy qajet bolady.