«Nur Otan» partıasy saılaýaldy baǵdarlama jasaǵan kezde, elimizdiń ál-aýqatyn, turmys jaǵdaıyna, basty qundylyqtary men ekonomıkalyq jáne ınovasıalyq damýyna qaraı jasaqtaldy. Barlyq salany damýy baǵyttary qarastyrylǵany úgit-nasıhat barysynda saılaýshylarǵa baıandalyp jetkizilýde. Partıa atynan saralanǵan kandıdattar saılaýaldy baǵdarlamany halyq arasynda jan-jaqty jetkizip, partıa jaqtaýshylaryn sanyn artyryp, daýys berýge shaqyryp júr. Sondaı kezdesýlerdiń biri búgin aýdandyq ájeler alqasynyń ókilderimen ótti.

Kezdesýge Saryaǵash aýdandyq máslıhat depýtattyǵyna úmitkerler G.Izbasarova men J.Ýalıhanova «Nur Otan» partıasy atynan qatysyp, úgit-nasıhat barysynda otbasy baqýattylyǵy jaıly tarmaqtaryna toqtaldy.

Otbasy – partıamyzdyń basty qundylyqtarynyń biri. Otbasyn qoldaý jáne nyǵaıtý – elimizdiń tabysty damýynyń kepili. Urpaqtar sabaqtastyǵy, úlkenge qurmet, kishige izet, balalarǵa qamqorlyq, ózara qoldaý jasaý dástúri, eńbeksúıgishtik pen bilimge qushtarlyq sekildi qundylyqtar otbasynda qalyptasady. Partıa otbasylardy qoldaýǵa baǵyttalǵan áleýmettik tólemder men memlekettik járdemaqylar boıynsha barlyq mindettemelerdiń múltiksiz oryndalýyn qamtamasyz etedi. Qazaqstandyq otbasylardyń (kópbalaly, tolyq emes, erekshe qajettilikteri bar balalardy tárbıelep otyrǵan) ekonomıkalyq múmkindikterin keńeıtý maqsatynda áleýmettik kásipkerlikti qoldaý, otbasylyq jumyspen qamtýdy damytý boıynsha sharalar qabyldanady. Azamattardy áleýmettik qoldaýdyń barlyq sharalarynyń ashyqtyǵy men aıqyndyǵyn qamtamasyz etý úshin biryńǵaı Áleýmettik kodeks ázirlenedi. Aýyldyq jerlerde jaldamaly turǵyn úı salýǵa yntalandyrady. Otbasy ınstıtýtyn nyǵaıtý boıynsha: Ómirlik qıyn jaǵdaıǵa tap bolǵan otbasylarǵa kómek kórsetý boıynsha «Baqytty otbasy» partıalyq jobasyn iske asyrý jalǵasady. Urpaq órbitý boıynsha densaýlyǵynda derti bar otbasylarǵa ekstrakorporaldy uryqtandyrý (EKU) sharasyn júrgizýge jyl saıyn 7 myń kvota bólinedi.

Biz mekteptiń de, ata-analardyń da balalar tárbıesi úshin jaýapkershiligin kúsheıtýge serpin beretin mektep pen ata-analardyń ózara isqımylynyń jańa formatyna ótemiz. Árbir qalada jáne aýdanda Otbasyn qoldaý, otbasylyq daýlardy sheshý jáne balalary bar áıelderge ýaqytsha mekenjaı berý ortalyqtary ashylady. «Turmystyq zorlyq-zombylyqqa qarsy is-qımyl týraly» Zań qabyldanyp, otbasylyq sottar qurylady.

Eldiń qoǵamdyq-saıası ómirinde áıelderdiń rólin arttyrý, olardyń qabiletterin iske asyrý úshin teń múmkindikter jasaý – bizdiń saıasatymyzdyń basymdyqtarynyń biri. Áıelderdi ókildik etýshi organdarǵa usyný úshin Nur Otan óziniń partıalyq qataryna kem degende 30% áıelderdi qosady. Atqarýshy, ókildi, sot organdary basshylyǵyndaǵy jáne kvazımemlekettik sektordaǵy áıelderdiń úlesi 30%-ke deıin ulǵaıady. Áıelder kásipkerligin damytý, bıznesti qoldaý baǵdarlamalarynyń sheńberinde jeńildikpen kredıtter jáne granttar berý arqyly olardyń ekonomıkalyq belsendiligin yntalandyrý ortalyqtary ashylady.

Óńirler, qalalar men aýdandar boıynsha jumyspen qamtý, bazalyq áleýmettik qyzmetterge, túrli memlekettik qoldaý sharalaryna qoljetimdilik sheginde genderlik qajettilikter men suranystar kartasy ázirlenedi.

Áıelderdiń eńbegin qoldanýǵa tyıym salynatyn jumystar tizimin joıý úshin zańdarǵa ózgerister usynylady.

«Nur Otan» partıasy Saryaǵash aýdandyq fılıalynyń baspasóz qyzmeti.

«Nur Otan» partıasynyń Túrkistan oblysy Saryaǵash aýdanynyń Saılaý qorynyń qarajatynan tólendi