Salymshylarǵa yńǵaıly bolý úshin BJZQ turǵyn úı jaǵdaılaryn jaqsartýǵa, emdelýge aqy tóleý, sondaı-aq, jeke basqarýshy kompanıalarǵa ınvestısıalyq basqarýǵa berý úshin qoljetimdi zeınetaqy jınaqtary týraly aqparat alýǵa bolatyn jańa qosymsha servısti iske qosty, dep habarlady Qordyń baspasóz qyzmeti.

Ol úshin cabinet.enpf.kz/porog portalyna ótip, mGov mobıldi azamattar bazasynda tirkelgen uıaly telefon nómirine SMS arqyly kelip túsetin bir rettik paról arqyly avtorlaný qajet.

Bir rettik paról arqyly avtorlaný úshin bar-joǵy birneshe qadam jasaý kerek:

• ózińizdiń JSN jáne uıaly telefon nómirińizdi engizińiz;

• derbes derekterińizdi jınaýǵa jáne óńdeýge óz kelisimińizdi berińiz;
• «Kodty jiberý» batyrmasyn basyńyz;
• alynǵan alty tańbaly kodty uıaly telefonnan engizińiz.

Qosymsha jetkiliktilik shekti ESQ-syz jáne BJZQ bólimshelerine barmaı-aq bilýge múmkindik beredi. Jańa servıs memlekettik organdar aıqyndaıtyn aqparattyq qaýipsizdik jónindegi talaptarǵa tolyq sáıkes keledi.