Koronavırýsqa qarsy vaksınany 18 jasqa tolǵan, jazbasha túrde kelisim bergen jáne ekpege qarsy reaksıalary joq azamattar ǵana saldyrta alady. Kimge vaksına saldyrýǵa bolmaıtyny týraly Almaty qalasy №4 qalalyq emhanasy bas dárigeriniń emdeý isi jónindegi orynbasary Zarına Altynbekova aıtty, dep habarlady Tengrinews.kz.

Maman Almaty emhanalarynda "Spýtnık V" vaksınasymen ımmýndaýdy júrgizý algorıtmderi týraly aıtyp, koronavırýsqa qarsy vaksınany tegin saldyra alatynyn jáne kez kelgen adam vaksınadan jazbasha túrde bas tartýǵa quqyly ekenin atap ótti.

"Vaksına eki kezeńmen júrgiziledi. Birinshi komponentte 0,1 medısınalyq dozada, sodan keıin 21 kúnde 0,5 medısınalyq dozada salynady" dedi dáriger ÓKQ onlaın-brıfıngte.

Sondaı-aq mamannyń aıtýynsha, koronavırýsqa qarsy ekpe vaksınasıaǵa qarsy kórsetilimi joq, kelisim bergen jáne 18 jastan asqan azamattarǵa ǵana salynady.

Vaksınasıany nemese osyǵan uqsas komponentteri bar vaksınanyń qandaı da bir komponentine asa sezimtaldyq, anamnezinde aýyr alergıalyq reaksıalar bar, jiti ınfeksıalyq jáne sozylmaly ınfeksıalyq emes aýrýlary, sozylmaly aýrýlarynyń órshýi bar, júktilik jáne emizýli kezeńde, jasy 18-ge tolmaǵan tulǵalarǵa vaksınany saldyrýǵa bolmaıdy.