Reseı prezıdenti Vladımır Pýtın stýdenttermen bolǵan onlaın kezdesýde 80 mıllıon qaralym jınaǵan Alekseı Navalnyı jarıalaǵan vıdeony kórmegenin, biraq kómekshileri daıyndaǵan qysqasha sholýdy qaraǵanyn aıtty. Beınematerıalda prezıdenttiń Gelendjık eldi mekeninde "záýlim saraıy bar" delingen.

YouTube jelisinde jarıalanǵan fılm týraly suraqty Ýfa memlekettik munaı tehnıkalyq ýnıversıtetiniń stýdenti Danııl Chemezov qoıdy.

– Birden suraqqa jaýap bereıin. Ol jerde (vıdeoda-red.) kórsetilgenderdiń eshqaısysy maǵan da, meniń jaqyndary ma da tıesili emes, tıesili bolmaǵan da. Eshqashan, – dedi Pýtın.

Ol fılmde onyń dostary, burynǵy áriptesteri, "alys týystar" jáne tanystary týraly aıtylǵanyn, biraq prezıdent "eshqashan kózben kórmegen" adamdardyń bar ekenin atap ótti.

Pýtın sonymen qatar mıllıondaǵan jáne mıllıardtaǵan nysandar salý týraly sóz bolǵanda, "kem degende keıbir izder" qalýy kerek ekenin aıtty, olar: qarjylyq habarlamalar, jer ýchaskelerin rásimdeý, notarıaldy kýálandyrý. Reseı basshysynyń aıtýynsha, bul aqparat on jyldan astam ýaqyttan beri aıtylyp kelgen.

– Meniń baterfláı stılinde júzip júrgen sýretimdi ornalastyrypty. Men eshqashan bolmaǵan belgisiz bir baseınde. Onyń ne baseın ekenin de bilmeımin. Biraq men solaı júzgenmin. Qashan jáne qaıda? 2016 jyly Enıseıde. Onda bul jaı montaj, – dedi Reseı prezıdenti.