Gvıneıada Ebola epıdemıasynyń qaıta bastalǵanyn habarlady  Rıa novostı

Gvıneıanyń Densaýlyq saqtaý mınıstrligi eldiń ońtústik-batysyndaǵy, Gýek sýbprefektýrasynda Ebola epıdemıasynyń qaıta bastalǵanyn málimdedi. Bıliktiń málimdeýinshe Ebola dertine basynda qatty mán berilmegen, biraq aty jaman aýrý 4 adamdy ajal qushtyrǵannan keıin ǵana áreket bastaǵan.  

– "Osy jaǵdaıdy eskere otyryp halyqaralyq densaýlyq saqtaý erejelerine sáıkes, Gvıneıa úkimeti Gýek sýbprefektýrasynda, Nzerekor prefektýrasynda Ebola vırýsynyń epıdemıasy týraly habarlaıdy", - delingen Gvıneıa premer-mınıstriniń Twitter-degi málimdemesinde.

Bılik ebola aýrýyna kúdik týǵyzǵan barlyq adamdy oqshaýlaýǵa, Ebolaǵa tótep berý jónindegi úılestirý jáne tehnıkalyq komısıanyń jumysyn jandandyrýǵa, Gýekte naýqastarmen jumys isteıtin ortalyq ashýǵa, sondaı-aq DDU arqyly vaksınalardy satyp alýdy tezdetýge keńes berdi. 

Aıta keteıik, 2016 jyldan beri alǵash ret Gvıneıa zerthanasynda Ebola ınfeksıasynyń alǵashqy úsh jaǵdaıy tirkeldi, dep DDU málimdedi. Tergeý jumysy boıynsha aýrýdyń alǵashqy qurbany 28 qańtarda qaıtys bolǵan medbıke edi. Ony jerlegennen keıin alty adamda dene qyzýy kóterilip, ebolaǵa uqsas belgiler baıqalǵan. Olardyń ekeýi qaıtys bolyp, taǵy tórteýi aýrýhanaǵa tústi.