Aqyn Shómishbaı Sarıev 75 jasqa qaraǵan shaǵynda dúnıeden ozdy, dep habarlady malim.kz saıty.

Qazaq ádebıetine jańa leppen kelgen jas aqyn, óse kele qazaq dalasyna keńinen jaıylǵan ánderdiń mátinin jazdy.

Shómishbaı Sarıev 1946 jyly 15 sáýirde Qyzylorda oblysy, Aral aýdany, Shómish stansasynda dúnıege kelgen. Qambash orta mektebin bitirisimen, Qazaly aýdandyq «Lenın týy» jáne Aral aýdandyq «Tolqyn» gazetterinde qyzmet atqarǵan. 1971 jyly QazMÝ-diń jýrnalısıka fakúltetin bitirgen. 1970–1974 jyldary «Qazaqstan» baspasynda redaktor, «Juldyz» jýrnalynda bólim meńgerýshisi, Qazaqstan Respýblıkasy UǴA-nyń M.O.Áýezov atyndaǵy Ádebıet jáne óner ınstıtýtynda ǵylymı qyzmetker, aǵa ǵylymı qyzmetker bolǵan. 1996 jyly «Qazirgi qazaq lırıkasynyń izdenisteri» atty taqyrypta ǵylym kandıdaty dárejesin ıelendi. «XX ǵasyrdyń jıyrmasynshy jyldardaǵy poezıasy» atty monografıa jazǵan.
«Ǵashyqtar jyry», «Bozjorǵa» atty avtorlyq beınetaspasy jaryq kórdi. G.Gýlıa, O.Berggols, I.Abashıdze, S.Vıkýlov, A.Dementev, F.Alıeva, R.Rojdestvenskıı, M.Emıneský, t.b. aqyndardyń óleńderin qazaq tiline aýdarǵan.
Alǵashqy jyr jınaǵy 1974 jyly «Baldáýren» degen atpen jaryq kórgen. Sodan bergi aralyqta qazaq, orys tilderinde on bes shaqty kitaby shyqty. 1994 jyly «Jazýshy» baspasynan tańdamaly óleńder tomdyǵy, 1992 jyly «Súıinshi» degen atpen án óleńderi jeke jınaq bop basylǵan. Fr.Kafka atyndaǵy halyqaralyq syılyqtyń laýreaty (2003). «Tarlan» syılyǵynyń ıegeri (2004). Qazaqstannyń eńbek sińirgen qaıratkeri.
Shyǵarmalary: Araıly kóktem. A., 1975; Teńizden soqqan jel. A., 1975; Taǵdyr. A., 1976; Zaýla tulpar. A., 1979; Ýaqyt. A., 1979; Óń men tús. A., 1980; Úsh ólshem. A., 1982; Taǵdyr jyry. A., 1984; Bizdiń ǵasyr. A., 1989; Tamasha, Tamasha, Tamasha. A., 1989; Saǵynyshym-teńiz. A., 1994; Tańdamaly óleńder jınaǵy. İ tom. A., «Jazýshy», 1992.