Zeınetaqy jınaǵyn paıdalana otyryp, ıpotekasyz páter alý úshin qosymsha qujat talap etiledi, dep habarlady otbasy bankiniń baspasóz qyzmeti.

Zeınetaqy qoryndaǵy aqshanyń bir bóligin ıpotekasyz úı alý úshin bank mynadaı keńester beredi: 

• Eger jeke qarajat bóligi qolma-qol aqshasyz, ıaǵnı banktik shotyna aýdarylǵan bolsa, onda rastaýshy qujat retinde aýdarylym týraly túbirtek (chek) júktelýge tıis.

• Eger satyp alý-satý sharty notarıýsta rásimdelip, páter qunynyń bir bóligi notarıýstyń kózinshe berilip, bul týraly satyp alý – satý shartynda notarıýs jazǵan bolsa, qosymsha qolhat pen túbirtektiń qajeti joq.

"Eger baspanany Biryńǵaı zeınetaqy jınaǵyndaǵy qarajatty qoldanyp satyp alǵan bolsa, enpf-otbasy.kz onlaın-platformasynda rastaý qujattaryn (PDF-formatynda) júkteý kezinde satýshy páter qunynyń bir bóligin qolma-qol aqshamen alǵany týraly qolhat birge júktelýi qajet" delingen habarlamada.