Jartylaı orta salmaqtaǵy qazaqstandyq boksshy Danıar Eleýsinovtyń (10-0, 6 KO) kelesi qarsylasy reseılik boksshy, Eýropa chempıony Davıd Avanesán (27-3-1, 15 KO) bolýy múmkin, dep jazady Sports.kz.

Eleýsinov sharshy alańǵa sáýir, mamyr aılarynda oralýy yqtımal. Promoýteri Eddı Hırn buǵan deıin boksshyny "top qarsylaspen" kezdestirýdi josparlap otyrǵanyn, ol úshin artyq aqsha jumsaýǵa ázir ekenin jetkizgen.

Reseılik sportshynyń jattyqtyrýshysy Karl Grıvz bul aqparatty rastamady. Biraq teristemedi de.

Davıd Avanesán 20 aqpanda Londondaǵy "Ýemblı" stadıonynda ótken jekpe-jekte kezdesý favorıti sanalǵan brıtanıalyq Djosh Kellıdi jeńip, sensasıa jasaǵan.

Alaıda Davıd Avanesán Eýropa chempıony ataǵyn sátti qorǵaǵannan keıin álem chempıony ataǵy úshin nemese ózine mol qarjy ákeletin álemniń eks-chempıony Ámir hanmen judyryqtasqysy keletinin aıtqan.