Prezıdent Qasym-Jomart Toqaev ekonomıkalyq yntymaqtastyq uıymynyń 14-sammıtinede týrızm salasynyń áleýetin arttyrý máselesine toqtaldy.

– Qazaqstan  týrısik salanyń úlesin 2025 jylǵa qaraı ishki jalpy ónimniń 8 paıyzyna deıin jetkizýdi kózdep otyr. Biz Ortalyq Azıa elderi men kúlli túrki álemi úshin qasıetti sanalatyn Túrkistan qalasyn belsendi damytyp jatyrmyz. Tek 2020 jyldyń ózinde qalanyń ınfraqurylymyna, Túrkistannyń týrızmi men logıstıkasyna quıylǵan ishki ınvestısıa shamamen 1 mıllıard dollardy qurady. Túrkistan Qazaqstannyń TOP-10 týrısik baǵytyna kirdi. Bul sizderdiń elderińizdiń ınvestorlary men týrıseri úshin tartymdy óńir bolmaq, – dedi Toqaev.

Prezıdent densaýlyq saqtaý salasy da Qazaqstanǵa keletin sheteldik ınvestısıaǵa "tartylys ortalyǵy" bola alatynyn atap ótti. 

Básekege qabiletti tarıfter, joǵary bilikti jumys kúshi jáne memlekettik-jeke menshik áriptestiktiń basqa da kóptegen múmkindikteri arqyly elge túrik kompanıalary tartyldy. Olar Qazaqstanda jańa aýrýhanalardyń qurylysyna jáne olardy joǵary tehnologıaly medısınalyq quraldarmen jabdyqtaýǵa atsalysýda.

– Túrkıanyń Rönesans Holding kompanıasy Qazaqstannyń jeti qalasynda óz emhanalarynyń qurylysyn bastamaqshy. Sondaı-aq biz Qazaq ulttyq onkologıa jáne radıologıa ınstıtýtymen birlese otyryp, bıyl Almaty qalasynda Tomoterapıa ortalyǵyn iske qosýdy josparlap otyrǵan Orhun Medical kompanıasynyń jumysyna sáttilik tileımiz. Túrik kompanıalarymen yntymaqtastyq jalǵasa beretinine senimdimin. Sonymen qatar biz Qazaqstannyń densaýlyq saqtaý salasyna ınvestısıa quıý úshin basqa da qatysýshy-memleketterdegi seriktesterimizdi shaqyrýǵa nıettimiz, – dedi Qasym-Jomart Toqaev.