Taıvan qorǵanys mınıstrliginiń habarlaýynsha, Qytaıdyń kem degende 20 áskerı ushaǵy Taıvannyń áýe keńistigine basa kóktep kirgen.

"Bul Qytaıdyń áskerı-áýe kúshteriniń eń úlken shabýyly" dep habarlady Reuters.

Taıvannyń qorǵanys josparynan habardar bir sheneýnik Reuters agenttigine "qytaılyq áskerı kúshter júzip bara jatqan AQSH áskerı kemelerine qarsy soǵys operasıasyn ımıtasıalap jattyǵyp jatqanyn" málimdegen.

Beıjiń bul jattyǵýlar "Qytaı terıtorıasyn qorǵaýdy bildiredi" deıdi. Taıvan mártebesi Vashıngton men Beıjiń arasyndaǵy eń názik saıası máselelerdiń biri.

Áskerı jattyǵýlarǵa ıadrolyq soqqy jasaý qabileti bar tórt H-6K bombalaýshy ushaǵy, 10 J-16 joıǵysh ushaǵy jáne taǵy alty áskerı ushaq qatysqan.

Taıvan Qytaı ushaqtary áýe keńistigin buzyp jatqanyn eskertti jáne ushaqtar baǵytyn ózgertpegennen keıin "belsendilikti baqylaý" úshin áýe qorǵanys zymyran keshenderin ornalastyrǵanyn habarlady.