Ońtústik Qytaı teńizindegi áskerı belsendilik kúsheıdi. Qytaıdyń soǵys ushaqtaryn alyp júretin áskerı kemesi daýly aımaqqa kirdi jáne AQSH áskerı-teńiz kúshteriniń ekspedısıalyq soqqy toby aımaqta jattyǵý ótkizdi. 

Qytaı daýly teńizde soǵys kemelerin jınady. Al AQSH pen Fılıppın birlesken jattyǵýlarǵa daıyndalyp, AQSH-tyń qorǵanys mınıstri  Vashıngton men Manıla arasyndaǵy áskerı yntymaqtastyqty tereńdetý joldaryn usyndy.

Qytaıdyń memlekettik Global Times basylymy eldiń alǵashqy soǵys ushaqtaryn tasıtyn áserı kemesi "Láonın" Taıvan aınalasyndaǵy bir aptalyq áskerı-teńiz jattyǵýlaryn aıaqtaǵanyn jarıalaǵan. Odan keıin Ońtústik Qytaı teńizine kirgenin  habarlady. "Láonınniń" pozısıasy týraly resmı habarlama jasalmady, degenmen qytaılyq basylym oqıǵaǵa qatysty spýtnıktik sýretterdi jarıalady.