Búgin Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar Eýrazıalyq ekonomıkalyq odaq týraly shartqa Qyrǵyzstannyń qosylýyna qatysty birqatar túzetýler engizetin halyqaralyq kelisimderdi qarady.

Osy rette, Májilis Tóraǵasy Nurlan Nyǵmatýlın halyqaralyq sharttardy ratıfıkasıalaý rásimderiniń merzimderi keıbir mınıstrlikter tarapynan júıeli túrde buzylatynyna nazar aýdardy.

Mysaly, Eýrazıalyq ekonomıkalyq odaq sheńberinde osy mańyzdy ratıfıkasıany kelisýdiń memleketishilik rásimderin ótkizý bir jyldam astam ýaqytqa sozylǵan.

Osy oraıda, Nurlan Nyǵmatýlın, árıne, koronavırýs indetin alǵa tartýǵa bolar, biraq ol bizdiń elde ǵana emes, búkil álemdi jaılaǵanyn aıta kelip:

Pandemıa mınıstrlikter jumysynyń qarqynyn, sapasyn jáne jaýapkershiligin tómendetýge sebep bolmaýǵa tıis. Bul jerde basty másele, quzyrly mınıstrlikter men qurylymdardyń birlesken jumysyna baılanysty. Jalpy aıtqanda, halyqaralyq kelisimderdi ýaqytyly ratıfıkasıalaý ıntegrasıalyq prosester úshin óte mańyzdy, -  dedi Nurlan Nyǵmatýlın.