"AQSH eń iri bank júıesi JPMorgan korporasıasy alǵash ret óziniń dáýletti klıentterine belsendi basqarylatyn bıtoın qoryn usynbaq" dep habarlady CoinDesk.

Habarlamaǵa sáıkes, qor 2021 jyldyń jazynan bastap jınalýy múmkin.

Belsendi basqarylatyn qordyń aqsha menedjerleri qordyń ınvestısıalary qalaı júzege asyrylatyny týraly naqty sheshimderdi qadaǵalaıtynyn bildirdi.

Aktıvteri boıynsha AQSH-tyń eń iri ınvestısıalyq banki esepteletin JPMorgan tórt jyl buryn krıptovalútalardy "alaıaqtyq" dep ataǵannan keıin birtindep óz ustanymyn ózgertti.

Bas dırektor Djeımı Dımon 2018 jylǵy suhbatynda sıfrlyq aktıvke senbeıtinin jáne dástúrli valútamen básekeles bolady dep oılamaǵanyn aıtty. Osy aıda jarıalanǵan aksıonerlerdiń jyl saıynǵy hatynda krıptovalútany bankterge "orasan zor básekeles" qaterlerdiń biri retinde sanady.

Bank qazir bıtkoın týraly zertteýlerdi jıi jarıalaıdy jáne ótken aptada "sońǵy eń kórnekti qulaý" ótken bolýy múmkin dep málimdedi. Dımonnyń pikirinshe, bıtkoın qýatty jáne taban tireı alatyn valúta bolýy múmkin. "Negizgi bırjalarda  basqa aktıvterge  qaraǵanda bıtkoın az tómendep, kóbirek qalpyna kelip, kóteriledi" deıdi JPMorgan strategteri.

Bıtkoın eki aıdaǵy eń tómengi deńgeıge túskennen keıin dúısenbi kúni   10% -ǵa kóterilip, sol kúni 53000 dollar mólsherinde, seısenbi (búgin) 55000 dollar tóńireginde saýdalanyp jatyr.