«Nur Otan» partıasynda esep berý-saılaý naýqany júrip jatyr. Birinshi kezeń aıasynda 4517 bastaýysh partıa uıymynyń basshylary saılanyp, olarǵa 566 myńnan astam adam nemese jalpy partıa músheleriniń 72%-y daýys berdi.

Partıa baspasóz qyzmeti taratqan aqparatqa súıensek, esep berý-saılaý naýqany Elbasy, Partıa Lıderi Nursultan Nazarbaevtyń saılaýdan keıingi kezeńde jergilikti jerlerdegi jumysty jandandyrýǵa jáne partıanyń saılanbaly organdarynyń kadrlyq quramyn jańartýǵa qatysty qoıǵan mindetterine sáıkes júrgizilýde.

Máselen, «Nur Otan» bastaýysh partıa uıymdarynyń jańadan saılanǵan tóraǵalarynyń 39,4%-y – áıelder, 20%-y – 35 jasqa deıingi jastar.

Áıelderdiń ókildigi 4,4%-ǵa artsa, jastar sany 1,5 esege ósip otyr. Árbir besinshi BPU-nyń tóraǵasy praımerız qatysýshysy bolyp tabylady. Olardyń qatarynda bilim berý jáne densaýlyq saqtaý salasynyń qyzmetkerleri, úkimettik emes sektordyń ókilderi, qoǵam belsendileri jáne t. b. bar.

Esep berý-saılaý naýqanynyń kelesi kezeńi aýmaqtyq jáne óńirlik fılıaldardyń konferensıalary bolady. Onda partıanyń Saıası keńesteri men Baqylaý-tekserý komısıalarynyń quramy jańartylady.

Aıta ketý kerek, buǵan deıin elimiz boıynsha «Nur Otan»-nyń óńirlik Saıası keńesteri búrosynyń otyrystary ótip, onda ár óńirde, qalada jáne aýdanda saılaýaldy ýádelerdiń iske asyrylýyn baqylaý boıynsha 1738 jańa qoǵamdyq keńes quryldy.
Olardyń quramyna 12 myńnan asa belsendi, onyń ishinde máslıhat depýtattary, partıalyq kadrlyq rezerv ókilderi, óńirde bedeldi jáne jergilikti jerlerdiń túıindi máselelerin jaqsy biletin azamattar, qoǵam belsendileri, sarapshylar jáne t. b. kirdi.

Partıa jańa keńesterdiń jumysy qoǵamdyq pikirdi eskerip, sondaı-aq partıanyń qoǵamdyq qabyldaý bólmelerine el kóleminde azamattardan túsken ótinishterge jasalǵan taldaýǵa negizdele otyryp, jarıa túrde júrgiziletinine ýáde berip otyr.