Ilon Mask óziniń SpaceX zymyran kompanıasy endi krıptovalúta – Dogecoin-dy tólem retinde qabyldaıtynyn aıtty.

Onyń sózinshe, ǵaryshty zertteıtin komersıalyq fırma "Aıǵa DOGE-1 mısıasyn" kelesi jyly bastaıdy.

Bir qyzyǵy, tehnolog-mıllıarder 8 mamyr kúni "Saturday Night Show" baǵdarlamasyna qatysqan kezde Dogecoin quldyrady. Degenmen, shoýǵa qatysatynyn jarıalaǵan 28 sáýirden bastap, shoý bolǵan kúnge deıin krıptovalútanyń baǵasy aıtarlyqtaı joǵarlaǵan.

Ótken aıda ol óziniń tvıtterinde SpaceX-tiń Aıǵa Dogecoin-dy aparatyny jáne sol krıptovalútany ǵaryshty ıgerýde qoldanatyny týraly jazǵan.

Aıta keteıik, Tesla jáne SpaceX kompanıalarynyń bas atqarýshy dırektory Ilon Mask osy jyldyń basynda Mars valútasy krıptovalúta bolatynyn aıtyp, oǵan Dogecoin-dy tańdaǵanyn jarıalaǵan. 

Sodan beri Dogecoin qymbattap, tipti búginge deıin 140 esege jýyq ósti.