Ulybrıtanıanyń qorǵanys mınıstri Ben Ýolles London qajet jaǵdaıda Aýǵanstanda bılikke Talıban kelse, birge jumys isteýge daıyn ekenin aıtty, dep habarlady Aif.ru aqparattyq agenttigi.

– Úkimette qandaı kúshter bolsa da, eger olar naqty halyqaralyq normalardy ustanatyn bolsa, Ulybrıtanıa úkimeti áreketke kóshedi, – dedi ol.

Sonymen birge, mınıstr mundaı sheshim eki túrli kózqaras týdyrýy múmkin ekenin, biraq pragmatıkalyq tásil turaqty beıbitshiliktiń negizi bola alatynyn atap ótti. Eger Talıban halyqaralyq deńgeıde moıyndalǵysy kelse, onda olar radıkaldyq ádisterden bas tartýǵa májbúr bolady.

Shilde aıynyń basynan Talıban Aýǵanstandaǵy aýyldyq jerlerdegi úlken aımaqtardy baqylaýǵa alyp, iri qalalarǵa qarsy shabýyldy bastaǵan. Bul jaǵdaı amerıkalyq ásker Aýǵanstannan shyǵarylǵannan keıin boldy.

Kabýl syrtqy seriktesterdi, onyń ishinde Qytaıdy, Úndistandy jáne Reseı Federasıasyn terrorıstermen kúreste kómek kórsetýge shaqyrdy. Reseı Syrtqy ister mınıstrligi Reseı tarapy odaqtastarǵa qarsy kez kelgen dushpandyq áreketterdi toqtatý úshin kómektesýge ýáde bergen.