– Óz atymnan jáne májilis depýtattarynyń atynan TMD parlamentaralyq assambleıasy keńesi bas hatshysynyń orynbasary - Qazaqstan Respýblıkasy parlamentiniń ókiletti ókili Asqat Jarylqasynuly Nusqabaıdyń mezgilsiz qaıtys bolýyna baılanysty qaıǵyryp kóńil aıtamyz.

Dıplomatıalyq qyzmette mol tájirıbesi bar Asqat Jarylqasynuly Qazaqstan men Qyrǵyzstannyń, Qazaqstan men Reseıdiń memleketaralyq qatynastaryn nyǵaıtýǵa zor úles qosty. Qazaqstan Respýblıkasy parlamentiniń ókiletti ókili - TMD PAA keńesi bas hatshysynyń orynbasary laýazymynda TMD elderi arasyndaǵy parlamentaralyq yntymaqtastyqtyń damýyna yqpal etti.

Elimizdiń patrıot azamaty Asqat Jarylqasynuly týraly jarqyn estelikter jaqyndarynyń júreginde máńgi saqtalady – dedi, Nurlan Nyǵmatýlın.

Asqat Jarylqasynuly Nusqabaı 1997 jyldan beri Qazaqstan Respýblıkasynyń Syrtqy ister mınıstrligi salasynda jumys istegen.

2017 jylǵy qazanda TMD parlamentaralyq assambleıasy keńesi bas hatshysynyń orynbasary - Qazaqstan Respýblıkasy parlamentiniń ókiletti ókili bolyp taǵaıyndalǵan.