​Mańǵystaý oblysynyń ákimdigi men QR aýyl sharýashylyǵy mınıstrligi arasyndaǵy kelisimge sáıkes, óńirge 546,304 tonna arpa jetkizildi.

Muny «Azyq-túlik kelisim-shart korporasıasy» arqyly «Kaspıı» ÁKK» AQ oblystyq qazynadan bólingen qarjyǵa júzege asyryp otyr. Maqsat – arpanyń baǵasyn arzandatyp, óńir sharýalaryna qoljetimdi baǵada jem jetkizý.

Qazir 1 tonna arpanyń naryqtaǵy ortasha baǵasy 112 myń teńge. Al, «Azyq-túlik kelisim-shart korporasıasy» arqyly jetkizilip jatqan bir tonna arpanyń satylymdaǵy baǵasy 92 myń teńge.

​Búgin toǵyz vagonǵa artylǵan arpa jemi óńir stansıalaryna kelip toqtady. Túpqaraǵan, Munaıly aýdandaryna úshin 5 vagon, Jańaózen qalasy men qaraqıa aýdany úshin 2 vagon, Mańǵystaý aýdany úshin bir vagon bólindi.
​Qabyldaýǵa yńǵaıly bolý úshin jáne odan ári mal sharýashylyqtary arasynda taratý úshin arpa 45-50 kg qaptarǵa salynǵan.

​Aldaǵy ýaqytta bul baǵyttaǵy jumystar jalǵasady.